adorá ku nos
Djòin Nos den adorashon
Kada Sabat ta un invitation pa enkontrá ku Dios. Bini mantra bo ta - Tur ta bon biní.
Servisionan Regular
Sabatskol
Un eksperensia interaktivo di estudio Bíbliko pa tur edat. Tin klas pa mucha, hóbennan i adulto. Bini prepará pa eksplorá e Skritura huntu i krese den bo fe.
Servisio Divino
Nos servisio prinsipal di adorashon, ku alabansa i adorashon, orashon, i mensahe inspirá pa E Palabra di Dios. Un eksperensha ku E Spiritu Santu ku ta halsa bo fe i transformá bo bida
Servisio di Orashon
Nos reunion di-mitar-siman pa hasi orashon, studia Beibel huntu i animá otro. Un momento krusial den siman pa renobashon spiritual i konekshon ku nos famia di fe.
Hubentut Adventista i Patfender
Un servisio interaktivo dirigí pa hóbennan, ku alabansa i adorashon, diskushon inspiradó i aktividatnan edukativo, den kua nos ta despedí e Sabat huntu ku alegría.
" i no laga di asistí na nos mes reunionnan, manera ta kustumber di algun, ma enkurashá otro; i muchu mas ainda, ora boso ta mira ku e dia ta yegando serka."
— Hebreonan 10:25
Próksimo Servisionan Speshal
Servisio di komunion
Un servisio sagrado ku ta tuma lugá kada tres luna, ku labamentu di pia i Sena di Señor, rekordando e sakrifisio di Kristu i renobando nos kompromiso ku NÉ.
Sabat Hoben
Un servisio di Sabat kompletu dirigí pa nos hóbennan — músika, testimonio i un mensahe ku ta inspirá e siguiente generashon den nan fe
Ministerio di hende hòmber
Un servisio di Sabat prepará pa i dediká na hòmbernan. Un momento pa trata tur e desafio ku hòmbernan por enfrentá den bida i kon Dios ta proveé i kuida di hòmbernan pa dirigí nan Famia.
Bishitá Nos
Phlip naast 100, Curacao
Tuma kontakto ku nos pa guia bo serka nos
Kiko por spera?
Kon mi mester bisti?
Bini manera bo ta. Hopi miembro ta bisti nan mihó pa Sabat, pero nos ta risibí tur hende sin importa kon bo ta bisti. Loke ta konta ta bo kurason.
Tin kuido pa mucha disponibel?
Sí! Nos tin klas di Sabatskol (klas) dediká pa mucha di tur edat, for di beibi te hóbennan.
Mi mester ta atventista pa mi asistí?
Absolutamente nò. Nos porta ta habrí pa tur hende. Sea ku bo ta eksplorando i bishitá nos pa promé biaha òf ku bo ta bolbe despues di añanan bèk, bo ta bon biní serka nos.
Tin lugá di parker disponibel?
Sí, tin "parkeerplaats" disponibel serka nos.